鄭少秋開騷勁「金」 叫觀眾大聲示愛
鄭少秋（秋官）於紅館舉行、一連兩場的《鄭少秋半世紀．大時代世界巡迴演唱會》昨晚開鑼，冼國林夫婦、張德蘭夫婦、梅雪詩、吳剛一家三口及古巨基等人到場欣賞。秋官身穿閃爆西裝現身三面台上的皇冠形升降台，並慢慢升上半空，唱出《輪流轉》等金曲，期間皇冠和舞台兩邊大放煙花。他重返舞台後說：「大家好！今次係咪好『金』呢？我件衫好金，個頭又金，仲要一開場就吊到咁高，都咪話唔『甘』呀！」說到入行50年，他感激一直有大家支持，一起度過黃金歲月：「衷心多謝大家到場分享我嘅金禧演出，陪我走過好多高高低低，同我創造咁多大時代。」
身手靈活的秋官與舞蹈員大跳勁舞，又叫觀眾大聲說喜歡他：「如果唔係就搞到好似（電視劇《大時代》角色）丁蟹咁，到阿玲（羅慧玲，藍潔瑛飾演）死咗先知佢鍾意方進新（劉松仁飾演），又好似屈原咁要用死嚟表達對國家嘅愛。」又自言在劇集演過屈原，覺得對方很值得尊敬，更令大家有公眾假期，之後他唱出該劇的主題曲以示敬意。
