汪明荃代言30載 賺錢贏友情！
藝人汪明荃昨日赴廣州出席「海馬牌床褥譽滿三十年汪明荃發布會暨珠江頻道《娛樂沒有圈》戰略合作發布會」活動，同場有海馬床褥老闆鄔友正與前港姐太太翁嘉穗。汪明荃自1988年起擔任品牌代言人，至今近三十年，她與不少品牌長期合作，海馬更年年加酬勞，但錢並不是主因，而是與品牌合作多年建立的情誼。
汪明荃將於8月舉行演唱會，下周將在無綫播出特輯，她說：「演唱會籌備得如火如荼，今次請咗三位排舞老師，音樂人趙增熹會將歌曲重新編曲。（8月28日舉行演唱會係你生日，有冇特別安排？）冇喎，順其自然啦！（羅家英有咩意見？）冇呀，佢都唔得閒！」提到好拍檔鄭少秋昨晚開騷，她表示今晚會去捧場，但不會上台唱歌。
細仔識串名
至於翁嘉穗表示忙於打理公司及照顧小朋友，又兼顧慈善及做動物保育工作，曾帶囝囝看熊貓及了解海洋生物，她說：「細仔就快兩歲，已識得A-Z，又會串自己個名。（16歲嘅大仔Jason有冇照顧細佬？）好錫又有同細佬玩，但佢都忙，要返學又要練習！」談到大仔曾打破三項香港健力舉重紀錄，她說：「佢唔係為比賽，話想搵個運動係唔使花咩時間嘅！」
文：影視組