《閨蜜睡房》：何傲兒講心唔講樣 求偶要易溝
藝人何傲兒（Lily）在東網巨星《閨蜜睡房》新一集節目中，解構當年選美時身形暴脹之謎，Lily因為壓力太大出現內分泌失調，三個半月的參選期一直未有來經，令到身形腫脹。現時單身的Lily，表示對另一半的外表要求不高，最重要能互相溝通，而父母不時催促她要多結識新朋友。
Lily以睡衣look亮相東網巨星節目「海馬牌床褥特約」《閨蜜睡房》，身材弗爆的她被問到Keep Fit之道時，她回想起當年選美時特別肥腫，並說：「我每日排完舞，因為太辛苦，我就會去零食機買朱古力食，加上壓力大，搞到內分泌失調，我由第一日參選到選完先嚟Period，期間三個半月冇嚟。我本身嚟Period之前都有水腫，咁耐冇嚟腫上加腫。」
爆父母催拍拖
眾所周知，Lily深受父母愛錫，笑言陪她出街最多的男士就是爸爸，父親會駕車接她收工，非常窩心。情竇初開時，Lily表示爸媽與其他父母親一樣十分緊張，而何家經常一家人開家庭會議，無所不談，增進感情及互相了解。
擇偶方面，現時單身的Lily坦言：「都係嗰啲，孝順、專一同心地好，做邊一行都冇所謂，最重要係可以好好溝通。外形唔使靚仔，我要求唔高，高度最好同我平排或者高過我啦！（父母有冇催你？）都會，佢哋都叫我出去識多啲新朋友。」
轉數慢過家姐
Lily與胞姊何傲芝姊妹情深，連她們自己都覺得很難得，問到會羨慕何傲芝甚麼？Lily說：「我羨慕佢口齒伶俐，佢講嘢好大方得體、有智慧、轉數快同埋心地好。（佢有冇羨慕你？）佢話自己唔夠高，前幾日我哋一齊瞓覺傾偈，原來佢真係介意（高過佢），又話一齊做嘢，你對高踭鞋着到鬼咁高。好多人覺得高係有着數，但我覺得係要講比例。」
雖然備受寵愛，但Lily覺得是被「寵」而非被「縱」，自覺絕無公主病，有能力照顧自己，不過也自爆有個壞習慣，就是不愛執房，更笑言是亂中有序。Lily又自揭睡覺的小秘密，喜歡坐在床上閉目，以及喜歡晚間躺在沙灘。
文：名人組