小春雞「斟茶」孝敬黎諾懿自愧不如

無綫藝員黎諾懿與老婆李潔瑩的第一胎囝囝「小春雞」星期一於養和醫院出世，昨日下午黎諾懿抱着BB接太太出院，「小春雞」雖然人仔細細，但五官長得標致，兼且頭髮多多，黎諾懿笑說：「姑娘話我個仔啲頭髮多到要set頭，一睇就知係『馬壯』個仔啦，分開每個部位睇似太太，希望大個似太太，男生女相靚仔啲。」黎諾懿近日努力學習餵奶、換片，他自嘲自己像手腦不協調般生手，「小春雞」昨日還向爸爸「斟茶」，他笑說：「尋日幫個仔換片，冇諗過嚟得咁快，2秒唔使成條水柱射上嚟，冇諗過小朋友嘅力量會射到咁高，我都未必有咁嘅射程。」另外，黎諾懿上載首次餵奶的短片，見他功架十足，囝囝亦顯得很享受飲奶的過程。