容祖兒公開初戀情信：解點會X我嘅？
天后容祖兒前晚於演藝學院舉行首場公開售票的《容祖兒．MY SECRET．LIVE》演唱會，其中一個場景是浪漫花海。她在台上大方與歌迷分享13歲的初戀情史，讀出當時寫給男友的情信，她說：「點解我會X你，因為你可愛、得意，不如你都寫信畀我知點解會X我嘅。」她透露因當時很膽小及含蓄，所以在信中以「X」代替「愛」字。
自認喜好獨特
除講情史外，祖兒更大談擇偶條件，自認喜好特別，她說：「世人無法明白我嘅擇偶條件，我唔鍾意靚仔，但唔係鍾意醜樣，Above average is OK，我鍾意有肉地、肉騰騰同滑嘟嘟！」台下歌迷卻大叫陳奕迅。臨到個唱尾聲，祖兒感觸表示多年前自己是粒滄海遺珠，事業上曾碰到許多挫折，感謝大家給予機會，將她由滄海遺珠變成大家的掌上明珠。
做意念總監
受訪時，身兼意念總監的祖兒透露公開情信的環節是由她構思：「呢個騷有以前冇講過嘅嘢先夠睇頭，之前搬屋搵番啲舊嘢出嚟，見到封信喺紀念冊度攝住咗，好爆，我就決定讀呢封信。」問到可有向男友劉浩龍（師兄）講我「X」（愛）你？她即笑說：「佢唔X我就算偷笑！」又冧爆指師兄符合其擇偶條件，暗笑男友是「肥龍」。
文：音樂組