諸葛心郁 打造個人香水
名模諸葛紫岐早前應邀到法國參觀香水工坊，成為首位獲邀參觀的香港名人。她表示媽咪是香水專家，優雅又具品味，期望下次帶媽咪前來，炮製度身訂造的私家香氣做香香公主。
現正身處在法國的諸葛紫岐（Marie），此行獲邀到「香水之都」格拉斯的香水工坊參觀，由於工坊平日不開放予人參觀，而她則獲國際知名調香大師Jacques Cavallier-Belletrud親自擔任導遊，兼進入大師的私人辦公室這個秘密基地參觀，認真架勢。Marie打趣地說要來做兼職，大師即急不及待答應，認真搞笑。Marie說：「參觀完對香水認識更多，香水就好似一件藝術品，唔係隨便調校出來，Jacques Cavallier-Belletrud話可以為我製造一支個人香水，但佢話最少要留喺法國一個月，要了解我性格、喜好同鍾意食乜，最好帶埋朋友，因為佢要聽埋朋友對我嘅睇法，今次留唔到咁耐，希望下次帶埋媽咪嚟。」
媽咪係香水專家
原來Marie的媽媽喜歡收藏世界各地的香水，家中藏了數百支，Marie笑言自己是由香水陪伴長大：「媽咪平日鍾意戴帽、絲巾同着高跟鞋、噴香水，好優雅，我就好男仔頭，佢見親我着牛仔褲波鞋出街就話唔好睇。」問到老公薛嘉麟是否鍾意她香噴噴？她笑說：「佢冇所謂。（有情趣嘛？）唔會，佢冇話特別鍾意咩香味。（你鍾意佢就鍾意？）到依家佢都冇得揀啦！」
文：名人組