綵排難忍笑歐陽妙芝噴埋鼻水
名模歐陽妙芝昨日出席韓國藝術活動，近來忙於舞台劇演出的她透露，本月30日起演出四場，近日更有藝人黃德斌加入，讚對方工作十分認真：「有時我會叫佢坐吓喇，但佢話要背稿，雖然暫時未有對手戲，但綵排時全組人都會一齊。我同其他演員都已經熟晒，但咁仲弊啊！綵排時好難忍笑，成班綵排成日笑到喊、流晒鼻水。」她又指很多新演員未見過黃德斌，視他為男神！
同場還有太子珠寶鐘錶主席鄧鉅明，他自嘲藝術細胞不高，但喜歡看韓劇：「我老婆鍾意睇，冇辦法下都一齊睇！韓劇拍攝好認真，以前有睇過《大長今》。」又透露即將開新店，有興趣邀請韓星撐場。