「反派王」何啟南年尾結婚：想到就做！

現年50歲的TVB資深演員何啟南，日前與圈外女友楊穎靜到尖沙咀入紙結婚。一向低調處理感情事的他，講起婚訊即時笑晒，問到求婚時有否炮製驚喜？何啟南笑言：「都係咁啦，咁嘅年紀仲使乜驚喜，浪漫都算唔上。」他表示和女友拍拖三年：「大家年紀有番咁上下，都識咗咁耐，好多嘢就係想到就做o架喇！（婚期都定埋？）仲未，應該係今年年尾，原本朋友都未知，諗住同父母四個人去註冊，然後就兩個人低調旅行。但依家收到好多朋友祝福，都要再諗吓點樣搞，或者搞個Party啦，等我哋再諗諗。」
何啟南與女友楊穎靜將於年尾拉埋天窗。
何啟南與女友楊穎靜將於年尾拉埋天窗。

演出深入民心獲封「反派王」的何啟南，問到未婚妻有否支持他的演出？他笑言：「吓，佢忙，好少睇電視o架。（有冇話你差距好大？）話我冇咁惡囉！（現實係體貼男友？）哈哈，一個正常人啦！」

何啟南於近日熱播的無綫劇《迷》繼續做反派，並與田蕊妮有對手戲。
  • 何啟南於近日熱播的無綫劇《迷》繼續做反派，並與田蕊妮有對手戲。