歌手許廷鏗（Alfred）昨日在網上「開心Share」，上載一張和BB的合照，原來他榮升舅父仔，並留言：「人生第一個早晨啊！許家新成員！」他形容BB「細細粒」，超似他家姐，好足秤，更寫出連串禁忌：「聽聞唔可以讚BB，唔可以話靚，唔可以話得意，話要講反話，哈哈哈，我真係恭喜你啊！」不少Fans留言恭喜他做舅父仔，還給他新名「舅父鏗」。
昨日Alfred接受本報訪問，他笑說：「係外甥女，感覺好神奇，因為係我屋企裏面第一個BB女，佢同我家姐細個時好似樣，哈哈哈！」問到抱着BB的感覺？他笑說：「好細粒，唔識抱，驚整到佢唔舒服，頭先有一下我抱住嘅時候，佢差啲想喊，好在最後都冇。」問送甚麼禮物給外甥女？他豪爽說：「百日宴，我同哥哥負責（找數）。」又透露在網上報喜後，即有朋友表示有坐月營養品贊助他姐姐，他笑說：「做藝人真係好！」