土豪Bob硬上弓公主抱張惠雅

無綫藝員林盛斌（Bob）及張惠雅等，昨日在將軍澳電視城為節目《最緊要好玩》錄影。Bob指節目近期收視最高有15點，破了該時段近年紀錄，證明觀眾鍾意這類EYT式短片趣劇，他笑言：「原本節目諗住做幾集，依家添食到宇宙終結時。」
Bob取笑張惠雅人仔細細，勁重磅。
Bob取笑張惠雅人仔細細，勁重磅。

Bob今集扮演土豪並在節目中臨時加插抱起張惠雅橋段：「原來佢好重，以為佢細細粒好輕，原來真係細細粒（指小寶）嘅重量。」對於被林盛斌取笑重磅，張惠雅直認：「我係好重o架，肥喺個肚腩，我已經警告過阿bob，但佢唔信抱唔起我，我咁嘅身高有102、103磅。」張惠雅自言要為年尾拍攝的網劇減肥，望減到90磅，但已有八年未試過如此輕磅，稍後會進行好似張家輝一樣的地獄式訓練。

Bob直言近年觀眾喜愛啲唔使點諗、笑吓嘅節目。
  • Bob直言近年觀眾喜愛啲唔使點諗、笑吓嘅節目。