陳雅倫數臭Martin大話連篇！
早前宣布將與吳彥祖表哥Martin結婚的藝人陳雅倫（Ellen），昨日在社交網公告分手消息，半年情玩完！Ellen寸爆Martin是大話精，常以忙為藉口無故失蹤。對於Martin攬陳惠敏囡囡陳鳳儀的照片曝光，Ellen揶揄說：「見到佢同陳惠敏個女玩得咁開心，咁忙原來係去蒲！」
51歲陳雅倫（Ellen）早前宣布將與年輕五歲、吳彥祖表哥Martin結婚，未幾二人被拍得在街頭錫錫，Ellen雖否認放料，但有指婚事因而撻Q。昨日流出Martin攬陳惠敏女兒陳鳳儀的照片，Ellen直認與Martin已分手，強調未有為這段情流過淚，更力數對方滿口謊言、無故失蹤又藉口多多：「佢一直以嚟大話連篇，冇句真，之前係因為我愛佢，咪信佢囉。情人節同我生日，佢都話好忙唔得閒慶祝！」及後Martin以生病、嘔血入院等理由避而不見，連訊息都不回，Ellen寸爆說：「你病聽唔到電話，咁你隻手唔係癱（口架）嘛，可以send message！」
花十萬送電話號碼
Martin被指育有一子，此事Ellen亦知道，但繼續鬧對方是大話精：「佢曾經同我解釋，佢冇同前度拍過拖，係瞓咗一晚就生咗個仔！」並坦承已提過五次分手，但每次都被對方的嗲功冧倒而心軟：「同我拍拖嗰陣就接吻魚咁，成日講我愛你，叫我唔好離開佢！」一向捨得使錢的她，直言曾花十多萬買電話號碼給對方，笑指自己是母愛心態。
無故失蹤扮忙去蒲
談到Martin攬陳鳳儀的照片曝光，她則揶揄對方：「尋日同佢講分手，今日就見到佢同陳惠敏個女玩得咁開心，咁忙原來就係去玩去蒲！（佢哋有嘢？）我唔理呢啲嘢啦！」又指對方昨日再傳訊息扮冇事問候她。
文：影視組