馮盈盈搏到盡氹男友傷腦筋
無綫藝員馮盈盈、劉穎鏇、丁子朗、岑杏賢、張振朗及郭子豪昨日到坑口出席明珠台節目《祝君健康：減得健康（Ⅱ）》宣傳。講到白色情人節，馮盈盈為禮物傷透腦筋：「二月嗰個（情日節）已經諗咗好耐，仲要再諗多個！近排做嘢都好忙，如果開心日日都係情人節。」又指男友對她工作忙沒有投訴，大家明白現在是搏殺期。
岑杏賢冇人追嗌dry
港大食物及營養學系畢業的馮盈盈對飲食有自己一套，少吃加工食物，多吃自然天然食物。問到會否逼男友食得清淡？她說：「唔會！反而會逼屋企人食得清淡啲，煮餸唔好落咁多調味料。」
另外，岑杏賢早前與朱千雪的「女神飯局」，網友紛紛留言想參加，岑杏賢說：「係咩？嗰日咁啱大家都放假，佢讀書都好忙，咁就不如約出嚟食lunch。（冇男仔約你哋？）冇呀，好dry。（恨拍拖？）冇得恨嘅，唔係恨就有。（有冇人追？）冇呀！大件事，哈哈！其實我都係分開咗一段時間，呢段時間都要靜吓，冇得急嘅。」她又指與朱千雪皆享受單身生活。
