十幾年冇做嘢呻窮全靠《皆大歡喜》
鄧兆尊於訪問中多次自稱冇錢，自從拍完《皆大歡喜》後淡出娛圈，這十幾年都沒做任何工作，不少人都好奇他靠甚麼維生？兆尊說：「我之前拍咗過千集《皆大歡喜》，每集兩個騷，都儲落唔少嘅，再加上我哋幾兄弟姊妹都有投資，所以生活唔成問題。」
由於經濟不景，兆尊坦言無意搞生意。問到會否復出？他笑言心思思：「好多人包括我哋屋企人都有叫我返出嚟拍戲，但其實呢行唔係好似賣生果咁，擺出嚟就可以賣，好多嘢要講機緣。我又唔鍾意主動，如果我肯主動，就應該會發展得好好，我都唔識睇人眉頭眼額。（之前祥嫂話你聽蠶蟲師爺講，靠提三個女友谷人氣復出？）唔使用呢啲方法，有心打個電話就可以，又或者自己掟錢出嚟拍，但我唔會。」
