王浩信望開口中：我要等發哥！
藝人王浩信及蔡思貝昨日到馬料水拍攝劇集《踩過界》一場撞車戲，講述浩信險被車撞到，思貝衝出來營救！兩人拍這套劇已四個月，尚有兩日完工，他們均表示時間頗長和辛苦，但相當值得，非常難忘！
浩信表示之後緊接拍攝《溏心風暴3》，思貝則於個多星期後夥拍張衞健合作重頭劇《大帥哥》，能跟好戲之人健仔合作，思貝表示非常開心：「之前有傳聞佢會返嚟，我已經話好羨慕可以同佢合作嘅演員！估唔到我開口中！」浩信即說：「咁如果發哥（周潤發）返嚟就好喇！我要等發哥！」
當睇真人騷 緋聞避唔到
對於思貝在健仔新劇中擔任女主角遭一面倒負評，問思貝可有壓力？她說：「我惟有自己準備得好啲，放鬆啲去演效果更好，戲入面我哋有少少情侶，但未正式出故事。（驚健仔轉數太快，自己接唔到？）反而好期待，當真人騷咁睇。（網友話你唔夠班，有冇唔開心？）我係唔夠班呀！演齡幼嫩，佢哋咁講都好正常。（怕唔怕連同健仔合作都傳緋聞？）呢啲避唔到，惟有更加努力開工。」
文：影視組