駱胤鳴諗縮數搵坤坤唱歌唔畀錢

組合SiS樂印姊妹昨日為本周六假九展舉行的首個賣票騷綵排,妹妹駱胤鳴(烙印)表示雖然未能成功邀請其男神周柏豪做嘉賓,但另一男神會前來觀看演出:「我另一個男神吳業坤會嚟,我平時太唔尊重佢,所以請佢嚟睇賠番罪,到時都會唱佢嘅首本名曲畀佢聽。」又笑稱因擔心坤坤收費太貴,所以未有邀請對方做嘉賓:「我諗住臨時拉伕,到時隊支咪埋去叫佢唱就唔使錢!」

而烙印指因為這次演出而被迫減肥,成功瘦了8磅,又透露公司希望她露腰,所以她有努力搣甩肚腩:「終於見到收番水嘅腰,我15歲『發肉』開始就冇再見到佢,如果啲肉係生喺身高度,而唔係個肚度咪幾好囉!」