張振朗肉搏Ali 粒幾鐘變10幾秒

藝人李佳芯（Ali）及張振朗於劇集《踩過界》的肉搏場面，終在前晚一集播出。劇情講述飾演法官的Ali去年因判打傷男友的周麗欣（Doris）入獄一年，Doris出獄後向Ali放火報仇，幸得振朗及時出現英雄救美。其後兩人火速撻着，並在房內埋身肉搏激咀，Ali姣味十足，眼神及笑容都充滿媚態，又豪放地除去振朗外套，上演女上男下，睇到觀眾眼定定！
張振朗於《踩》劇衝入火場，救出被困的李佳芯。
張振朗於《踩》劇衝入火場，救出被困的李佳芯。

周麗欣癲喪獲讚

不過萬眾期待的親熱戲只得十幾秒，振朗接受訪問時表示，該場戲其實拍了個多小時：「想將對Ali嘅遐想透過呢場戲發洩出嚟嘅觀眾可能有啲失望，但唔緊要，我透露少少，我同Ali將會玩Cosplay，大家要留意。」至於Doris聲嘶力歇拍爆Seed戲超喪超癲，獲網友激讚演技好。

周麗欣眼神充滿仇恨，相當入戲。
  • 周麗欣眼神充滿仇恨，相當入戲。