48歲澳洲男星「狼人」曉積文（Hugh Jackman）昨日於社交網上載鼻頭貼膠布的自拍照，表示再做手術割皮膚癌最常見類型之一「基底細胞癌」，今次已是他第6次做同類手術。曉積文向粉絲報平安，笑指唔貼膠布好睇好多，自言好彩經常做身體檢查，亦有多謝醫生。同日他被拍到於街上放狗，當時未見鼻上的膠布。
曉積文於2013年發現鼻頭有基底細胞癌，近年先後5次動刀，醫生亦指有可能翻發。他多次公開講述病情，並呼籲粉絲多作檢查。另外，本月他將為「狼人」告別作《盧根》（Logan）巡迴宣傳，日前公布26日與「X教授」柏德烈史釗活（Patrick Stewart）飛抵台北進行三日宣傳工作。