19歲真人騷女星Kylie Jenner連日來密密以性感造型現身紐約時裝周睇騷，前日亦唔例外，再度拋胸成為全場焦點。上圍向來澎湃的她真空上陣，穿白色開窿連身短裙，心口位置幾乎被其上圍逼爆，露出白滑大半球，事業線深不見底，火辣又不失型格。同場還有天后麥當娜，一向打扮冇底線的她忽然密實，封胸轉玩黑絲誘惑，與Kylie同坐即時被比下去。
此外，名媛Paris Hilton亦有到場睇騷，穿上Deep V紫色高衩長裙，身材冇睇頭的她以長腿挽回分數。