張紋嘉返學例遲

歌手張紋嘉（Crystal）昨日出席校園活動時，自爆求學時期經常遲大到：「嗰時我好出名，因為遲到連校長都記得。」問到讀女校的她，有否過鄰校識男友？她說：「冇呀，我返學好求其，頭髮都唔整，連老師都忍唔住點名要我整理吓，點會識到男仔？」並承認為貪靚將校裙縮短，Crystal又自誇：「我換件衫勁多人追，講笑啫，今日（情人節）都係自己一個過。」下月與公司約滿的她說：「依家仲有工作，亦幫我派新歌同約訪問。（冇雪你？）公司好好。」將到美國發展的她，被取笑蜚聲國際，她說：「唔係，如果中（選）先會去，喺香港都會拍電影、電視劇同做舞台劇。」