莊思明收3卡鑽戒「出嫁」
莊思明前晚「出嫁」，不過新郎並非男友楊明，而是新公司帝皇娛樂，她更獲贈價值約40萬的3卡鑽戒做簽約禮物！她表示公司未有阻止她在合約期內結婚，只怕她突然生B，但她會小心行事，免出「意外」！
藝人莊思明（Lisa）前晚出席帝皇娛樂春茗暨簽約儀式，穿上婚紗的她在家姐莊思敏（Jacquelin）陪同下，「嫁」給帝皇娛樂董事、女扮男裝的「新郎」劉麗萍（Apple）。正式加盟新公司的她，更獲贈3卡鑽戒，據知價值約40萬元！
准結婚禁造人
Lisa受訪時坦言事前不知Apple準備了戒指，更不知道其價值，又指這次簽約的年期及酬勞很合理，今年將主力做音樂及拍電影：「依家已經搵人寫緊歌，Apple姐想我走韓國路線，唔使跳得好勁，但都要un少少同適量地性感。」問到是否男友楊明不准她性感？她說：「唔係，佢都成日除衫拍劇，佢事先知咗先就得。」又指兩人知道雙方的底線，自己不准男友拍親熱戲卻不告訴她：「如果佢咁（做）我都會咁（做）。」至於公司可有不准她結婚？她表示沒有，又笑指Apple反而擔心她突然要生仔：「我唔會唔小心囉。」
麥德羅呷醋
而今日生日的Lisa表示男友要工作，之前已送她名貴手錶做禮物：「我收到嘅時候有啲呆，好驚訝，冇諗過佢會送咁貴重嘅禮物。佢都月底生日，我本身諗咗送咩，覺得好好，但對比之下就覺得要再諗過。」談及情人節，她打算親自下廚炮製秘密餐單給男友。至於Jacquelin表示妹妹一直喜歡唱歌，今次可圓夢亦替她高興，問到可想與妹妹合唱？她笑說：「佢唔驚我都驚！」
而麥德羅看到女友Apple與Lisa「結婚」，即呷醋表示被截胡，要借酒消愁，Apple即笑說：「你有冇我送畀佢隻戒指咁大先？（幾時結婚？）睇佢儲唔儲到錢買4卡戒指先。」
攝：吳文聰
文：音樂組