黃翊復出唱歌要睇反應

絕迹樂壇超過二十年的歌手黃翊前晚為薛家燕、黎小田、湯寶如及曹永廉主持的無綫節目《流行經典50強》錄影。他特別帶太太陳存正及兒子出席，欣賞他演繹一手包辦作曲、填詞的代表作《最愛的妳》。他當年離開娛樂圈後轉行在大埔經營大牌檔飲食生意，問到有否打算復出，他說：「唔知，我係浴室歌手，對唱歌有濃厚興趣。一路冇乜人搵過我，今次終於有人記得我，咪試吓出嚟唱，睇吓反應點。最想係畀個仔睇我唱歌，佢六、七歲時問我以前做乜，我話Daddy以前係歌星，佢聽完O咗嘴，返到學校周圍同人講我以前係歌星。」