諸葛傳授追B心得
名媛諸葛紫岐前晚率領旗下藝人出席公司春茗，並宣布正在努力造人，表明要幫兒子追個妹，恨女恨到出口。而老公薛嘉麟全晚high爆，尾段更被老婆捉上台獻唱，破例開金口。
諸葛紫岐（Marie）創立的星韜國際成立三周年，前晚舉行春茗，旗下藝人包括黎美言（Winkie）、呂晶晶、黃倩婷（Cindy），以及新簽的歌手曾傅君（Rex）和鄭富安（Kenneth）出席，老公薛嘉麟更帶同囝囝韜韜到場。到春茗尾聲，Marie捉老公上台，由Rex和Kenneth陪唱一曲《無間道》，台下掌聲如雷！而韜韜同樣搶鏡，Winkie拖着他在台上唱歌時毫不怯場，還不停搖着手上的手掌棒，非常可愛。
Marie早前被本報拍到她偕老公睇嬰兒用品，問到是否有好消息公布，她說：「一向想追多個小朋友，幫韜韜追個妹，順其自然啦！（公布得好消息未？）努力中。（老公落重本(乙水)你快啲生？）佢冇(乙水)，係我唔想兩個小朋友年紀差太遠。」
Winkie難忘初戀
Winkie則表示今年是入行10周年，希望出新歌及繼續做打女，現在密密操拳。問到最難忘的情人節，她說：「初戀男友曾喺沙灘用火砌『I Love Winkie』，仲蒙住我對眼，一開眼見到啲火爆開，好sweet。雖然分開咗，我一世都會記得！」呂晶晶則透露將開拍《隱世者們2》；而已婚的Cindy因身體差要先調理好身體，為生BB作準備，還向老板娘Marie請教生B秘訣，Marie笑說：「呢啲係天意，唔好成日諗住要有，放鬆啲就得。」
文：名人組