發放笑能量超蓮派曲奇食檸檬
賭王千金何超蓮趁昨日情人節，支持「Smile With Us Hong Kong」向香港人發放正能量的精神，落區行善過一個有意義又浪漫的情人節。早上10時開始，超蓮先到深水埗派飯及派玫瑰花，再到銅鑼灣派曲奇及愛心貼紙，還在微博直播呼籲大家參與，笑言屆時可以跟她合照！有網友問可會送吻？她笑言可以送飛吻。
完成深水埗一站後，一行六、七人約5時許抵達銅鑼灣。束起頭髮化淡妝的她邊行邊向途人派發曲奇及貼紙，期間有女士及三名男學生拒絕而慘食檸檬！超蓮最後派了一個小時後離開，對此她說：「香港普遍對陌生人畀嘅嘢同講嘅嘢都有抗拒，所以食咗無數檸檬，由今朝十點開始到依家食到冇感覺喇！今次想宣揚吓香港人開心啲，唔好咁多芥蒂、唔開心嘅情緒同網絡上欺凌，希望成個社會和諧啲，我哋年輕90後希望盡少少力幫到社會。」
