四太鬆章冧賭王

賭王四房兒子何猷君昨日在微博上載送給母親梁安琪與妹妹何超欣鮮花的相片，並留言：「最最親愛的人，情人節不能和你們一起過，但花是一定要的（愉快）情人節快樂！」四太接受電話訪問時直認冧到暈，問到如何跟賭王慶祝情人節？她說：「陪佢打牌，鬆章畀佢！（超欣有冇男友？）冇。」四太身旁的兒子猷亨即取笑超欣追求者欠奉，被四太反嘲：「你情人節都冇女友啦！」猷亨自認要求低，搵女友最緊要貼地，四太附和：「佢真係好貼地，因為佢瞓喺地！」