王敏德慳錢送提子包氹老婆

名模馬詩慧（Janet）與老公王敏德（Michael）前晚現身電影優先場，Michael笑言趁情人節前夕與太太拍拖睇戲，至於正日，他稱應該輪到對方安排節目，Janet撒嬌：「唔係應該年年都係你(0架)咩？」Michael扮作不滿：「25年嚟都係我，一年都唔畀我，你應該安排個驚喜畀我。」Janet以男女是不公平來回敬，又投訴未有過浪漫情人節經歷。Michael稱太太不喜歡他花錢，即場從袋中拿了一袋提子包出來送給太太：「佢好鍾意食，我安排得好辛苦，呢個好浪漫。」非常搞笑！問到Janet會否為慳錢而於情人節在家玩煮飯仔？她說：「煮飯成日都有。」Michael玩踢爆：「係呀！公仔麵，咁多年都冇煮飯。」兩人不停耍花槍。