麥明詩有新歡 肌男嗒糖認啱傾

貴為十優港姐的麥明詩，緋聞不絕。

讚又叻又靚女

Emil昨日一接到記者電話即顯得驚慌，頻頻稱不想影響麥明詩，問他是否追求麥明詩？他說：「唔係，我哋見咗一次咋！唔可以話見人哋一面就立即追佢（口架）！大家了解吓先啦，我係諗住識吓朋友，因為我公司有好多Project睇吓有乜嘢可以合作。」他透露大家傾得不錯，因為麥明詩是女拔萃畢業，自己的老闆又是女拔萃的，故特別多話題。

問到眼中的麥明詩如何？Emil說：「我好欣賞叻女仔、女強人，麥明詩係叻女，有才華，而叻女又靚女嘅麥明詩邊個唔鍾意呀？不過呢啲言之尚早。（你鍾意佢？）唔好咁講，我驚嚇親朋友呀！」單身的Emil大讚麥明詩靚女，笑容甜美。至於外公是董慕節，他說：「屋企嘅嘢，我唔方便講，唔想影響到佢哋。」而林作則說：「唔回應，唔希望再因麥小姐上新聞。」

Emil不時健身大騷結實肌肉。

Emil擔任體育公關，曾與游泳健將方力申合照。