陳豪幫座駕扮靚 陳茵媺一拖三拜年

陳茵媺同工人帶埋3個仔女去拜年。

當日中午12時許，陳茵媺替子女悉心打扮，由司機接載往深井拜年。抵達後，她抱實9個多月大的幼女陳凱婷落車，只見小公主穿上一身中式賀年裝，面珠肥嘟嘟，相當可愛！陳茵媺邊行邊幫女兒撥頭髮，大仔梓燁和二子浩鋒則由傭人照顧，一行人齊齊往友人家登門拜年。另一日下午，陳豪與哥哥先到位於荃灣的公司向員工派開工利是，然後到土瓜灣幫座駕扮靚。兩兄弟行出行入與車行職員研究一番後，最後留低座駕，由友人接載離開。

放大圖片	陳豪揸車去車房，幫座駕扮靚。