樂仔家棟零的突破 鎮宇恃「老」突襲影帝

今屆頒獎禮將於4月9日在香港文化中心舉行，入圍爭影帝的有林家棟、任賢齊、余文樂、吳鎮宇及梁家輝，除了憑《寒戰2》入圍的家輝曾四奪金像影帝外，其餘四人均未染指過此獎項，肯定爭崩頭。贏過台灣金馬影帝的鎮宇於《脫皮爸爸》中由後生演到老，老人造型煞食，雖然電影4月才上映，但率先於去年底播放優先場，果然突襲成功博得提名。鎮宇說：「多謝佢哋畀我厚顏無恥演出一個19歲到79歲嘅角色，係幾Enjoy！多謝得到一個超出理想嘅回報。拍攝過程辛苦，化四個鐘頭妝、拍十四個鐘頭，跟住十二日減廿磅，操四舊腹肌變成廿幾歲，我第一次知道原來啲肌肉會痛到喊同暈，變後生真係唔易！」

小齊隔十七年再入圍

因早前家棟已憑《樹大招風》贏得「香港電影評論學會大獎」最佳男演員，因此呼聲頗高，對於首次提名金像影帝，他大表高興：「好開心！證明過去努力冇白費！最開心小齊、小黑（姜皓文）、導演編劇剪接都入圍，恭喜佢哋。」身在美國的小齊表示上次提名已是十七年前入圍新演員，對於今次同樣憑《樹》片提名影帝感到很意外，並為家棟打氣。至於首次在港提名影帝、憑《一念無明》入圍的余文樂，演技獲肯定，他直言非常開心：「收到好多人祝福，今次係我零的突破，好多身邊朋友、家人、同事、導演都戥我開心，『老爺』曾志偉仲第一個打電話畀我，多謝各位！」

《七月與安生》掃12提名

影后方面，內地女星周冬雨、馬思純、湯唯將惡鬥本地資深藝人鮑起靜及惠英紅，去年底周冬雨與馬思純齊齊憑《七月與安生》奪得台灣金馬影后，之後周冬雨又贏得「香港電影評論學會大獎」最佳女演員，自然成為大熱，而《七》片更獲得最多共12項提名。正在度假的冬雨說：「謝謝肯定，謝謝安生帶來的不斷驚喜。」馬思純則說：「謝謝金像獎給《七》片那麼多美好的肯定，幸運且感恩。（想再跟冬雨一齊拎獎？）已經很開心了，入圍已是肯定。」

惠英紅悲喜交集念亡母

兩屆金像影后惠英紅早前已憑英皇電影《幸運是我》獲得亞洲電影大獎提名，絕對有力爭獎，身在台灣的她表示很高興，但同時再想起亡母，她感性地說：「希望將媽咪形象拍出嚟，有提名已經係贏咗，希望媽咪知道我有用心做，依家情緒好波動，希望到時可平平靜靜，扮靚啲參與盛會。」2009年贏過金像影后的鮑起靜今次憑《大手牽小手》再爭影后，她坦言提名是意外驚喜，大讚每個對手都很厲害；《北京遇上西雅圖之不二情書》的湯唯則開心到錫啖女兒：「知道提名我就抱着她親了一口，記得去年提名她還在肚子裏啊！」

文：影視組