太太懷孕四個月黎諾懿一索「食胡」
藝人黎諾懿趁在昨日與太太李潔瑩結婚兩周年大日子，公開片段自爆一索得男，將做爸爸的他透露太太已懷孕四個多月，預產期為明年四月，又指太太佗B胃口不錯，惟每次少食多餐兼食唔晒，令執手尾的黎諾懿肥胖不少！
黎諾懿前年在光棍節（11月11日）迎娶「富家女友」李潔瑩成為「五億女婿」後，眼見近年身邊好友如徐榮誕下BB，他近日表示積極造人不設防，終在昨日結婚兩周年，在網上公布喜訊，自爆做爸爸並一索得男，快將為人父的他拍片「報道」此事，更大騷BB超聲波圖片：「大家唔好以為呢一隻係潛水艇，佢並唔係潛水艇，冇錯，呢個係小弟同我老婆李潔瑩嘅愛情結晶，仲有打牌嘅嘢梗係要一索（口架）啦，佢係有一索（口架），我係一索得男！」
密謀追女
事後黎諾懿接受本報訪問時，稱現身在澳門新濠影滙與太太慶祝結婚兩周年，更坦言太太已懷孕四個多月：「太太懷孕17周多少少，太太有咗嗰陣都唔知，我哋仲四周圍飛去玩，後尾太太月經遲咗，去檢查先知有咗。」他又透露太太不太辛苦，更胃口不錯：「佢仲食番牛肉，平均兩至三個鐘食一餐，但次次食唔晒就話飽，要我食埋佢，結果我自己肥咗。」
剛拍畢劇集《不懂撒嬌的女人》的黎諾懿，透露12月再拍新劇，更表示太太預產期是明年四月，他已向無綫助理總經理曾勵珍請假：「生呢胎都係預算之內，其實之前想生猴B，呢個係上天賜嘅禮物，唔係話要就要，雞BB都好，自己都想追個女，不過要等太太決定。」
文：專案組
採：影視組