許冠傑搵黎明打造豹紋「Sam福俠」

「歌神」許冠傑將於10月27至29日假紅館舉行演唱會，67歲的他在網上與粉絲互動，除了在Facebook宣布「參選」，呼籲歌迷票選最愛的演唱會曲目外，昨日再拍片「呼喚」黎明（Leon）：「Leon，我唱支歌畀你聽，幫我整個『Sam福俠』，要有豹紋(口架)喎！」之後再向Kelly說：「我知你最錫兩個寶貝仔，你有冇教佢哋唱兩嘴我嘅歌呀？」

Kelly老公乖仔唱兩句

黎明收到「神的召喚」後，即時變身「明福俠」回應，並以「香港樂壇的師祖」尊稱阿Sam：「『明福俠』係唔識整衫，所以整唔到豹紋。不過知你就嚟開演唱會，希望你一（高八度聲）……切順利！OK，半斤八兩，做到隻積咁嘅樣～快啲買飛支持Sam啦！」

Kelly亦拍片回應阿Sam：「Hello，歌神、Sam哥！我梗係有教兩個仔唱你啲歌啦，竟然畀我搵番幾年前嘅一條片，你自己睇吓！」鏡頭一轉，畫面播出疑似在Kelly家中拍攝的生活片，見披上超人披肩的「蝦餃仔」和捧着奶樽的「小龍包」萌爆走向鏡頭，有男聲唱出二次創作的《最佳拍檔》：「最佳拍檔，我名叫蝦餃，最鍾意飲奶，手指、腳趾我都瀨晒，有啲似Daddy、有啲似媽咪，最佳拍檔，我哋永遠係，最佳拍檔……」逐漸走出鏡頭的「蝦餃仔」亦跟着唱！據知該男聲正是Kelly的老公劉建浩，該短片於兩年前拍下。

佘詩曼唱代表作嗌正！

另外，多位圈中人亦拍片點唱，譚詠麟說：「阿Sam咩歌都好聽o架啦，你係我偶像嚟o架嘛！其實比較冷門啲，我就鍾意《是雨是淚》，唱啦，出嚟唱多啲啦！」黃子華則挑選《雙星情歌》：「今日聽呢首歌，真係即刻有撐艇仔嘅Feel。」佘詩曼愛聽《印象》，更開口唱：「誰令我當晚舉止失常……幾正！」許冠傑的個唱昨日已開始信用卡及網上優先訂票，至26日為止。

文：音樂組