松岡好服侍幫男人脫毛

日模松岡李那日前撇下緋聞男友林德信，與兩男女友人現身中環行街，未幾進入了該處一間大型化妝品公司，甫進店內，松岡如「上電」般四圍走，香水、護膚品、甚至內褲亦唔放過，期間見她突然拿起脫毛產品，踎低幫男友人試脫腳毛，但搞完一輪「混吉」走人。
揀內褲<br>松岡（右）與朋友相約行街，心情大靚。
揀內褲
松岡（右）與朋友相約行街，心情大靚。

女子組合Girls Kingdom隊長松岡李那，日前趁着不用工作，撇下緋聞男友林德信，相約兩名男女友人到中環high tea，席上他們以日語交談，期間亦有說有笑，未知松岡是否很肚餓，不時大啖吃，逗留約一小時才埋單離開。

狂試香水

醫肚後，三人繼續於商場內行街，未幾進入了該處一間大型化妝品公司，甫進店內，松岡看到一些顏色鮮艷的性感lace內褲，即雙眼發光前往揀選，又不時拿上手研究，甚至向身旁的男友人問意見，而同行的女友人則自己行。其後松岡與男友人轉往睇香水，見松岡對花味的香水情有獨鍾，試完一支又一支，但最終揀不到心頭好。

玩脫毛<br>不顧形象蹲地為男友人脫毛的松岡，玩得相當興奮。
  • 玩脫毛
    不顧形象蹲地為男友人脫毛的松岡，玩得相當興奮。
睇香水<br>松岡認真揀選性感內褲，更問身旁友人意見。
  • 睇香水
    松岡認真揀選性感內褲，更問身旁友人意見。
松岡離開時買飛搭港鐵。
  • 松岡離開時買飛搭港鐵。

玩完混吉

後來松岡見到擺放脫毛產品貨架時，她突然拿起脫毛產品，踎低身向住男友人的小腿做測試，初時男友人表現尷尬，但松岡玩得咁開心，之後就任脫唔嬲，三人擾攘一輪，最終齋睇冇幫襯「混吉」走人。其後三人途經附近便利店時，松岡即埋去打書釘，之後齊齊步往港鐵買飛。

文、攝：追蹤組