翁嘉穗封肚唔追女 全力做慈善

名媛鄔翁嘉穗日前在旗下公司軒琴居舉行慈善日，為海洋保育基金籌款，一班好友如名模周汶錡、陳祉妤、名人羅可旋及丁子高等亦有現身撐場。剛於一年前為老公鄔友正誕下二仔的她，笑言封肚冇意再追女：「依家一半時間做嘢，一半時間湊小朋友，亦都會抽時間做慈善。老公好支持，出錢又出力，我覺得都應該盡吓社會責任，盡力做啦！」續透露暑假將一家四口去新加坡旅行。對於英國「脫歐」，她慶幸已賣掉股票：「因為老公唔睇好，早一兩個星期前已經賣晒（股票），冇乜嘢喺度，所以冇影響，依家睇吓趁低買啲乜！」