薛凱琪頻約Ex見面

薛凱琪（Fiona）與藝人湯駿業昨日接受電台訪問，Fiona透露日前拍攝廣播劇主題曲MV，故事講述一對曖昧男女十年後再重逢，可惜見面時只簡單擁抱，未能撻着，問現實中有否試過此情況？Fiona坦言不時見前男友：「大部分前男友都可以做番朋友，同埋同佢哋屋企人都Friend。」由於她曾傳與房祖名拍拖，而對方現時定居台灣，問是否經常飛當地探對方？Fiona嘆氣說：「冇Ex（前男友）喺台灣，台灣只有臭豆腐同滷肉飯。（你形容佢係臭豆腐？）冇一個Ex嘅名係臭豆腐。」隨即衝口而出說：「珍珠奶茶。」問到是否以「珍珠奶茶」稱呼對方？自知講錯說話的Fiona急澄清：「冇呀、冇呀、冇呀，唔係呀，冇代號呀！」