劉溫馨 黃金比例完勝！

2013年參選港姐入行的劉溫馨，擁有33C、24.5、36黃金比例，穿上三點式在東網巨星全新一輯《東網Baby》之「索女玩曬」中閃亮登場，除於《東網巨星》及《東網》App外，在東網電視娛樂節目《東網Baby》亦可看到她的閃麗身影！參選期間一直是大熱的她，最終僅得惱人的「梗頸四」，而冠軍則落在陳凱琳身上。雖然冇獎落袋，但她憑甜美外貌火速獲無綫睇中簽約，早前更在節目《玩盡澳門無限式》中，身穿性感水着浸溫泉，完美Body一鳴驚人！

受訪當日，久未穿比堅尼的她擺甫士未有生疏，即使沙灘上人來人往亦未感尷尬，更揚言「唔介意畀人望」，認為應趁花樣年華影相留念，以免將來後悔。出道兩年、曾拍攝劇集《愛．回家》的她，希望日後有機會嘗試不同挑戰：「主持同拍劇都試過，不過我鍾意拍劇多啲，最想拍古裝，因為背對白係一個挑戰。我喺內地長大，廣東話唔好，一直好努力讀報紙練習，希望有多啲機會去試！」

放大圖片	有樣貌又有演技的劉溫馨，終憑一副靚Body贏得觀眾注目，成功「入屋」。	有Quali唔怕晒！劉溫馨自信地以不同甫士展示完美身材。

章子怡師妹

劉溫馨的父母都是香港人，在港出生的她因父母要到日本工作，故交由內地的外婆照顧。在外婆悉心栽培下，她對演藝事業抱有夢想：「係婆婆令我細細個已經鍾意表演，佢亦唔阻止，長大後仲畀我讀戲劇。」畢業於北京中央戲劇學院表演系的她，是鞏俐與章子怡的師妹，談到同屆的港姐陳凱琳（Grace）及蔡思貝（Sisley）受無綫力捧，問有否羨慕，她說：「Grace同Sisley好努力，我都好希望佢哋有好好嘅發展！我知道只要努力，一定可以做個有樣、有身材又有演技嘅藝人。」

7年瑜伽煉成24吋腰

劉溫馨身材勻稱，最滿意是一條24吋纖腰，18歲開始接觸瑜伽的她，最初只是為了陪朋友減肥：「同朋友一齊做，結果係我愛上，日日去做，做完覺得成個人都好舒服！」近年她更接觸空中及高溫瑜伽：「高溫瑜伽令成個人易出汗，有助排毒，我試過跑步減肥，結果跑完腳痛又拉傷筋。」她鼓勵女仔以瑜伽減肥：「幾多歲都可以做，收身又修心，可以令成個人平靜落嚟，線條仲可以靚啲！」

Profile

姓名：劉溫馨（Virginia）

年齡：25歲

三圍：33C、24.5、36

學歷：北京中央戲劇學院表演系

演出經驗：劇集《愛．回家》、無綫節目《玩盡澳門無限式》

http://goo.gl/d3Byni

文：影視組　

攝：吳文聰