關智斌認錯女神湯唯當舒淇
藝人關智斌（Kenny）昨日與鄧麗欣（Stephy）出席品牌活動，提到Kenny和萬人迷碧咸合照，他即興奮大讚對方是男神，至於女神是誰？他說：「好鍾意舒淇，我有睇《北京遇上西雅圖》！」當記者指拍攝《北》片的應該是湯唯，問他是否看了《非誠勿擾》？他即(火羅)爆死撐：「係呀湯唯，我喺屋企睇《非誠勿擾》，喺戲院睇《北京遇上西雅圖》，兩個都好鍾意！」
另外，提到日前網上流傳一篇報道，指方力申會儲錢於兩年內娶Stephy，暗示兩人已復合，對此Stephy指內容和資料全錯：「內容似係以前訪問我哋講過嘅嘢再挖番出嚟，莫名其妙。」問稍後可會與小方聯絡？她說：「希望做番朋友。」
