陳豪試探邵美琪完美叛侶
陳豪在新劇《完美叛侶》與邵美琪飾演曾共渡難關的夫妻，但因誤會太太背叛自己，不惜設局試探對方，導致彼此失去信心，愈走愈遠。失去家人信任的陳豪，終於發現原來一切都是自己一手造成，回首過去種種的他發現家人的需要，迎接真正的完美人生。
由陳豪（阿Mo）、邵美琪（Maggie）、黃智賢（Ben）等主演的無綫新劇《完美叛侶》，將於下周一（四號）晚上八時三十分首播。阿Mo與Maggie飾演一對識於微時的夫妻，一齊經歷喪父之痛，並在太太支持下由地盤工人成為事務律師。不過阿Mo因事業疏忽家人，更因種種誤會而充滿猜忌，眼見丈夫失去理念的Maggie大感失望，面臨婚變。
考驗演技
阿Mo雖然懷疑Maggie與Ben搞婚外情，但深愛太太的他仍嘗試挽回感情，更不惜一切保護對方。監製歐耀興指《完》劇有不少複雜的內心戲，對於二人演出大感滿意：「今次角色好考驗演出技巧，仲需要演員本身嘅人生歷練，特別係阿Mo，婚姻關係已經去到離婚嘅地步，但佢依然深愛Maggie，寧願被千夫所指都唔想太太被牽涉入案，由佢演出好有說服力。」
Ben在劇中飾演事務律師，與Maggie自小青梅竹馬，單戀對方多年的他無緣展開戀情，更被陳豪誤會是第三者。Ben透露在劇中飾演一位「暖男小三」，他稱：「雖然今次都係做律師，但竟然係以感情戲為主，呢個角色冇諗過要破壞Maggie嘅婚姻，係冇侵略性，只係想默默守候，所有做嘅嘢係出於保護，自己睇番都覺得幾感動。」
文：影視組