嘉穎輔導陳凱琳陪睇親熱戲
鄭嘉穎及陳凱琳（Grace）等昨日宣傳無綫劇，提到女友Grace曾揚言睇男友親熱戲會感到不舒服，嘉穎坦言曾為此要心理輔導女友，更陪對方睇劇：「所有親熱戲我哋都一齊睇！」
藝人鄭嘉穎、陳凱琳（Grace）、陳嘉寶（Anjaylia）及阮兒等昨日為無綫劇集《殭》宣傳，期間司儀戴耀明在台上介紹Grace出場時竟讀錯「陳慧琳」，他搞笑向其男友鄭嘉穎道歉，嘉穎聞言稱不要緊，但開玩笑指對方的司儀生涯應要完結。
爆男友「大食」
嘉穎被問到Grace曾表示見他與其他女演員拍親熱戲會感到不舒服，他大爆為此曾親自輔導女友，更陪伴對方觀看劇中他與謝安琪的親熱戲：「佢啱啱入行啫！佢都會經歷不可避免嘅親熱戲。（向女友解釋過？）講過，大家都明白，圈內人更易了解。（同佢一齊睇你同謝安琪嘅接吻鏡頭？）所有我哋都一齊睇，有時冇睇都會上網睇番。」而Grace獲男友照顧自然心情靚，甜蜜自爆：「我煮嘢食唔叻，不過包過餃子畀佢食，佢都讚好食，佢好大胃口，一次食十幾隻。（難餵飽男友？）唔係嘅！」晒纖腰的她稱已增磅，直言經常被指太瘦會不開心。
阮兒搶「峰」頭
同場打扮密實的Anjaylia被阮兒以低胸裝晒事業線搶鏡，Anjaylia笑稱各有美態。提到被指與男友同居，她否認：「第二朝工作喺佢屋企附近，我問過媽咪批准後就去借宿。（表現守規？）我哋對信仰負責任。」提到她在無綫專頁上的「《殭》最Like女神人氣選舉」中繼續領先，直呼幸運的她透露曾因自覺愧對角色「何月」而爆喊。
文：影視組