「低B演技」網友彈完讚 Kay浪漫壁畫變朝聖地

樂壇天后謝安琪（Kay）首次當劇集《殭》女一飾演藍夢南，卻遭受不堪入耳的負評，如轟她「39歲扮(口靚)妹」、「老、厚妝、做作、扮嘢難頂」及「演技差」等。不過，自上周播出Kay送鑽石鏈賀妹妹藍夢瑤（陳凱琳飾演）畢業及為救妹妹而自發變殭屍的親情戲，還有在壁畫留畫暗示離開刑活着（鄭嘉穎飾演）的內心戲，場場淚流滿面，真情令人動容，即有網民在網上為Kay的演技平反，讚她「因為劇集愛上你」、「真係做到令人心痛嗰種Feel」、「可以睇得出個角色反差好大，係真心設計個角色有驚喜」、「能帶畀觀眾很多層次去猜想呢個角色」等。

粉絲輪住留影

除了網民對藍夢南「由恨變愛」外，劇中和刑活着在「夜吾夜」餐廳甜蜜畫壁畫戲，亦令取景的西營盤咖啡店成為香港最新景點，不少粉絲在壁畫前留影。昨日Kay在電話中稱知此事：「啲Fans話想感受吓我同刑活着嘅浪漫感覺，覺得《殭》好似日劇《悠長假期》同韓劇《太陽的後裔》咁，啲粉絲會返去啲場景朝聖。」

預咗硬食負評

對於演技終「沉冤得雪」，Kay說：「因為藍夢南飲咗泉水而失憶，所以變番10幾歲嘅(口靚)妹，但隨着經歷個人成熟番變成另一個人咁。其實初初接到呢個劇本時，我預咗硬食（負評），依家知點解我咁低B，讚番我用心去演，真係好開心！」問她可緊張劇集收視？她直言：「唔緊張，我都宣布休息，可以唔幫手宣傳，不過想為個劇盡力，所以都盡量配合，或者推遲休息時間。」

《殭》本周劇情進入高潮，夢南、夢瑤姊妹冰釋前嫌，而夢瑤終於向刑活着示愛卻被拒，夢瑤希望變成殭屍，雖然夢南及刑活着阻止，可惜事與願違。而夢南竟是醫治殭屍龐杰（胡鴻鈞飾演）的關鍵人物，愛子心切的龐杰之父龐應天（關禮傑飾演）要活捉夢南。

文：音樂組