坎坷過後不單有騷開，更令黎明的民望高企！雖然個唱首場夭折，但黎明其後表現出交帶盡責兼夠真性情，騷上句句金絕冇重覆！（5金為滿分）
「大家成日會遇到好多問題，我就會同自己講嘗試Keep住微笑，雖然心入面成日同自己講要Keep住微笑，但有時真係好難笑得出，但都係要叫自己Keep住微笑。」（3金）
「有人會話：『Leon呀，你好萌呀！』，其實呢個『萌』字以前解釋係一個Cute，咁依家係Cute字加個阿叔，就係『萌叔』喇！」（5金）
「其實握手唔係難事，好簡單，但最緊要係喺咩場合握手。握手係一件好難決定嘅事，我只能用心去握手，但如果有任何意外嘅話，後面嘅觀眾就會因為握手而犧牲！唔緊要啦！我哋喺心靈上面握緊手，我見到你，你見到我。」（4金）
「我從來唔覺得除衫係鹹濕！除衫係一件好容易嘅事，你除一件，我就除一件！」（4金）
「其實講粗口，好多廣東字嘅發音好難聽，只不過你哋聽慣英文粗口！其實有時去到一啲無法自己形容嘅時候，加個字落去呢，就唔覺得怪！就好似演唱會排舞，同啲韓國Dancer，個導演就提佢哋要小心啲，因為一陣有好多煙花喺度飛。當佢哋落到台底，啲煙花真係亂咁Seven飛，喺呢一刻真係要加呢個字落去……我唔係教你哋講粗口，我唔怕，但當然唔可以喺小朋友面前講，我覺得人只要善良就得！」（4金）