黎明又晒金句:我跳咗線但冇離題

「金句王」黎明昨日以大使身份,出席《香港影視娛樂博覽》記者會。雖然事前講明不受訪,但台上的他不忘發表金句,與活動司儀方健儀聊天時笑說:「有啲嘢做唔到就唔好講,盡力做咗而唔講、人哋睇唔到亦唔好做,但影視娛樂博覽為本港娛樂業製造咗好多機會,對成個娛樂圈亦有利益,大家就要支持喇!」隨後他又向方健儀說:「我跳咗線,但冇離到題喎!」

方健儀集郵示威

當方健儀主動提到黎明最近於Facebook成立個人專頁,身為當事人的他笑說:「每個人對智能科技嘅觸覺唔同,有人反應慢啲,當好多人唔玩Facebook我先走去玩,唯一嘅好處係對手少咗!」活動完結後,黎明匆匆離場,記者問方健儀能否理解黎明說話「玄機」,她只說:「佢都係想幫手宣傳今年唯一一架影視娛樂博覽流動宣傳車啫!其實佢係我妺妹嘅偶像,今日知道同佢有得傾吓偈,心情好興奮!頭先我集咗郵,諗住攞張合照向妹妹示威。(遲啲去睇佢演唱會?)想啊!佢啲歌陪住我哋成長嘛,今次係我第一次見佢真人,覺得佢保養得好好,凍咗齡一樣,個人又Nice。」

同場出席還有羅孝勇,他將代表香港出戰本屆影視娛樂博覽內的《亞洲流行音樂大獎》,為此他覺得榮幸及開心。文:影視組