坤坤阿旺上身做自己爭10萬
吳業坤與張振朗等前晚錄影無綫節目《Sunday好戲王》，坤坤稱會扮郭晉安演的阿旺來晒演技：「張振朗聽到我話扮阿旺就話『咁得啦，你做自己，唔使扮！』我希望可以贏出比賽，攞走10萬獎金、獎品。」
陳芷尤「監場」
張振朗的緋聞女友陳芷尤一度現身，更與張振朗家人有傾有講，直到記者陸續抵達後，她才醒目地靜靜雞離開。提到跟龔嘉欣拍處境劇《愛‧回家》時耍花槍，冷落同場的「正印」陳芷尤，問今次「女友」是否來「監場」？張振朗強調與陳芷尤是好朋友，這次不是來監視：「報道話嘉欣逗我笑嗰張相，係我真係太凍，要跪一跪，我哋真係friend到不能再friend。」
張振朗護嘉欣
對於嘉欣獲封「新一代發電機」，張振朗力撐嘉欣不是發電機：「我哋幾個都當佢係男人看待，佢係friendly。」吳業坤亦讚嘉欣是有活力、充滿正能量的開心果：「佢唔只對男同事，對女助導、幕後都係咁，令台前幕後都好開心。」
