億元有計!
一億元六合彩彩池掀起全港購買六合彩熱，不少圈中藝人亦參與盛事，溫碧霞、湯洛雯和琦琦亦坐言起行，紛紛落注博一擊即中。
湯洛雯：「我會即刻買磚頭，買屋畀自己有安全感。之後會畀屋企人啦，環遊世界啦，如果仲有錢我希望開一個庇護所畀啲貓，我好鍾意貓，有好多流浪貓冇屋企住，流浪街頭被人趕被人虐待，我嘅心水號碼係5、6、17、23、29、38。」
琦琦：「同父母、老公、老公助手阿Ling夾份買，因為阿Ling買六合彩中過好多次，好有運，預花四位數去買。如果中咗第一時間話畀屋企人知，大家分，30%會做善事，幫內地小朋友作教育之用；另會包飛機頭艙同埋商務艙請晒朋友去夏威夷旅行，吃喝玩樂都要最豪。」
溫碧霞：「如果有一億獎金，第一係令屋企人同身邊人開心先，請大家去旅行，第二梗係置業，可以保值，第三係做啲自己夢想嘅嘢，難得有咁多錢，如果我鍾意電影，會去投資電影，做一啲好有潛能，又唔會嘥錢嘅嘢，可以令到啲錢愈變愈大，而3、6、9係我嘅的幸運號碼，大家不妨考慮吓。」
