丁悅搵「姨媽」催運

丁悅實行由外紅到內催谷橫財運。

歌手丁悅指自己無電腦投注戶口，但不會「假手於人」，昨親自前往樂富投注，花30元買手寫及電腦票，她除着上紅衫外，又自爆「姨媽」到：「連身體都幫我！」現租屋住的她指中獎後希望「上車」，得橫財亦會做善事：「我去開狗場幫手，所以會幫吓流浪貓狗同老人家。」

時裝設計師何國鉦自言向來有賭運，他透露除與趙曾學韞等幾位朋友每人夾100元買六合彩外，自己亦會再補飛：「去投注站要揀人買，要揀個頭耷耷嘅人買，啲人唔好運，你先有機會贏！」

男子組合天堂鳥昨晚亦跑去荃灣一間投注站加入「金多寶」行列，希望一擊即中，贏得彩金盡快買樓「上車」。成員葉灝基（Gordon）稱：「我同朋友一齊諗咗10個號碼買今期六合彩！」而許俊豪（Lincoln）話：「每次都同家人夾錢買，但今次我另外再買100蚊碰運氣！」而歐鎮源（Tyrese）卻謂沒橫財運：「但咁多人講我都買張40蚊嘅電腦飛！」

陳婉婷以「賭神頭」往投注站買彩票。	何國鉦反傳統偏愛「4」號。	天堂鳥望贏一億獎金可置業。