徐子淇吼實金多寶 恨億街坊
六合彩一億金多寶今晚揭盅，億元狂熱直捲全城，當人人都發橫財夢的時候，連城中兩位幸福闊太「千億新抱」徐子淇及娛樂公司老闆諸葛紫岐也趁熱鬧，她們均表示若然幸運中獎，必將幸運獎金部分捐作慈善，實踐幫助別人的天使使命。
「六合彩40周年金多寶」攪珠將於今晚揭盅，估計頭獎可達一億港元，這是本港六合彩史上金額最高的金多寶攪珠！買六合彩成為近日大家茶餘飯後的話題，而兩位闊太徐子淇和諸葛紫岐均揚言要買，出身好嫁得更好的徐子淇，竟講笑自己冇中獎命，若言中獎，第一時間會通知至愛和至親：「我諗我第一時間會同老公、父母講。不過如果我真係中咗，我諗我會忍唔住，WhatsApp同所有朋友講。不過我一向都冇呢啲運氣，平時連抽獎運都冇，如果中咗會好開心。」
諸葛請同事遊埠
子淇表示若幸運之神降臨的話，會將獎金分為三份，獎勵員工和與小朋友去旅行，但最大一份會留作慈善用途，捐助智行慈善基金幫更多有需要的小朋友。
至於同樣天生好命的諸葛紫岐則表示：「我會買幸運號碼係8、11、20、32等，仲要重鎚出擊添！如果中咗，我會分三部分，一份捐出去做慈善，一份請同事去旅行，淨低一份留畀公司做營運資金！不過我今年話想公司賺到8位數，如果1億就係9位數啦，所以一定要買！」
思浩中獎會捐錢
而過往曾多次中六合彩，天生有中獎命的藝人梁思浩表示，一早與另外兩位藝人好友苑瓊丹及陳彥行夾份以380元買彩票，他說：「原本諗住叫苑瓊丹去買，佢仲話要除咗條底褲入去買，我怕佢嚇親人，最後都係我自己去買，我買嗰時對天講，希望中到，如果中咗我會捐三分一做慈善。」而陳彥行亦表示中獎的話會花一千萬救助流浪貓狗。文：名人組