段隆臻為藝術願露三點
年僅21歲的模特兒段隆臻（Lexi）熱愛運動，曬得一身小麥膚色，再加上燦爛笑容，與歌手蔡卓妍（阿Sa）剛出道的感覺相似，因而被封為「翻版阿Sa」。Lexi笑言：「阿Sa好勤力、笑容好甜，我都好鍾意佢，所以人哋話我同佢似樣都覺得好開心，希望有一日我都可以做到佢咁嘅成績就好喇。（想行演員路線？）如果有機會當然想，但都會慢慢嚟。依家都有學演戲，遲啲仲會拍兩套電影，都幾期待。」
身材姣好的Lexi早前曾穿上泳衣為《東網Baby》拍攝，迷倒一眾宅男。問她會否行性感路線？Lexi表示：「我覺得性感只係其次，我比較着重出嚟嘅效果有冇美感，而且劇情有需要，我唔會刻意抗拒。（有冇底線？）冇，我可以為藝術犧牲，三點盡露都唔介意。」
