點解話男士最愛石頭？皆因冇男人唔希望支兵器硬如磐石！至於女士則可免則免，試問有邊個想對車頭燈好似石咁硬呢？不過話說回來，其實唔少情色俚語及AV詞語同石及Stone有關，以下就為大家逐一細數。
「石女」又稱為實女或石芯子，好多人以為佢用嚟稱呼一啲因先天身體結構，而無法同男性進行性行為嘅女性。不過翻開明人萬全所著嘅《廣嗣紀要‧擇配篇》嚟睇，原來「石女」並非特指某種女性，而係一種女性病名稱。據書中所著：「五種不宜：……二曰文，陰戶小如箸頭大，只可通，難交合，名曰石女。」意思即係指擇偶有五種類型嘅女性唔適合選擇，而其中一種就係蜜洞口好似筷子頭般大，影響交歡，呢種先天性缺陷就稱之為「石女」。另外，清人盧若騰所著嘅《島居隨筆》上寫有「紋者，竅小即實女也」，當中所講嘅實女亦即係石女。
呢度所講嘅「Sword in the Stone」，同亞瑟王嘅石中神劍故事無關，而作為情色俚語嘅佢，意思係畀男士用嚟形容一場感覺正到完事後，仍唔捨得掹番支兵器出嚟嘅床戰。例句：「I had sex with Hannah. The feeling likes the sword in the stone.」（我尋晚同Hannah曳曳。感覺正到我唔想掹番支兵器出嚟。）其實男士支兵器係咪真係好似亞瑟王把劍咁堅呢？睇番資料，外國有報道指喺1995年有位英文名叫Mo Ka Wang嘅香港人，修煉古道教功夫嘅佢，曾以兵器將達250磅嘅重物拎離地面兩呎，只可惜搵咗好多資料，都唔知係咪真有其事囉！
美國最紅嘅脫星係咪個個都係金髮、白膚加鵝蛋面呢？梗係唔係啦！事關佢哋至紅嘅脫星中，其實有唔少都係黑珍珠，而講到當中最高人氣嘅則非Misty Stone莫屬。呢位1986年3月26日喺美國加州出生嘅脫星，自2006年出道至今已演出過超過327套四仔，更於2009年CAVR Award獲得最火辣脫星、2010年Urban X Awards頒發年度脫星、2013年NightMoves Award最佳膚色女脫星等多個獎項。除咗喺四仔界頻頻獲獎外，佢不但參與主流電影演出，又為四仔膚色演員爭取平等待遇。此外，佢又喺2013年成立美容產品公司Misty Stone Productions，並且同情趣產品公司Fleshlight合作，推出以個人命名嘅情趣用品。
日本嘅AV女優引退後轉做脫衣舞孃時有所聞，只係從脫衣舞孃轉型AV女優之餘，兼且人氣十足，就一定唔可以唔提呢位喺2007年出道嘅石黑京香。1979年6月20日於東京出生嘅佢，憑住混血兒般嘅氣質、誘人嘅身體曲線同埋出色嘅舞技，早喺脫衣舞界獲得相當知名度。其後被AV公司睇中，正式於AV界出道。此外，佢又以藝名杜泉演出冇格仔AV，而憑住迷人嘅女人味，成為炙手可熱嘅熟女女優。喺從事AV工作期間，佢前後用過多個藝名，當中包括黑木楓、川井惠理、石黑杏子等。及至2008年宣布引退並回歸脫衣舞界，其後同朋友喺六本木開設酒吧「鹿鳴館」。
撰文：魂