欣宜抖唔到氣拒push up bra
歌手鄭欣宜前晚低胸打扮出席活動，雖然胸前有薄紗，仍難掩逼爆上圍，她表示服裝由形象指導為她揀選，並自稱保守，她說：「我唔會刻意性感，性感有好多種，包到好密實都可以性感，但我就好抗拒用push up bra，我已經肥，再着會抖唔到氣。有模特兒朋友讚我個胸靚，但就成日收埋佢。」問她會否推出寫真？她自嘲沒人會買，又謂有意將來影大肚寫真，但只作私人收藏。
同場的黃日華女兒黃芷晴自言愛買衫，但只買平衫，還會將男友打造成韓國oppa形象，她甜笑說：「佢好乖，我揀嘅衫佢都會着。佢最鍾意我着婚紗。（暗示想同你結婚？）冇，工作為先。」
