嘉熙箍龐景峰 Chok住捱眼瞓

郭秀雲兒子龐景峰及韓國女團After School前隊長嘉熙，昨日為首度合作的新歌《Tonight》MV拍攝外景，郭秀雲亦特意現身撐場。郭秀雲表示與嘉熙只相處數天，感覺與對方甚有默契：「因為嘉熙好叻滑水同滑浪，自己做開海洋環境保育，我準備咗份驚喜畀佢，因為之前有做塑膠動物籌款，會送隻塑膠鯨鯊畀佢。」

讚Andrew靚仔熱情

問到Andrew兩人首次合作的感受？他表示過程非常難忘，而嘉熙則大讚拍檔非常友善：「佢好識照顧工作人員，而且仲好熱情！（靚唔靚仔先？）靚仔！」又指兩人早在三年前在美國工作時已認識，Andrew當時已多次主動力邀她合作。而對於率領近二十多名製作團隊來港取景，Andrew透露事前亦花了不少時間去籌備：「因為香港有好多特別地方，本身都有諗過喺上海同韓國拍。（MV已經拍完？）拍咗三日，今朝終於拍完！」嘉熙則笑言只睡了兩個小時。

龐景峰邀嘉熙拍MV，郭秀雲特來探班，並送禮物給她。

嘉熙性感殺手look，箍實龐景峰。

強調與父關係好

其實Andrew及嘉熙連日來，亦透過社交網站發布不少拍攝過程，先後在酒店及香港街頭取景，其中一張兩人在泳池邊合照，她更扮成性感殺手，拿住假槍「Chok爆」的嘉熙，肉緊地箍着Andrew，看來兩人關係非常微妙！另外，對於有傳父親錢小豪力數郭秀雲，指她先後為其多次換名換姓，Andrew就指雙方可能有誤會，改名字是因為風水問題，強調與父親關係好。

文：名人組