王宗堯誓做劉青雲接班人

榮升男神的王宗堯前晚出席活動，表示想做劉青雲接班人，他說：「依家港產片同新人都青黃不接，我希望我間製作公司做啲香港少有嘅project！（想簽新人？）做經理人好難，簽咗要對佢負責。（你自覺係邊個接班人？）唔知，希望接劉青雲。我今年收入多咗，但投資番喺製作公司，每個月出番萬幾蚊畀自己，要節衣縮食啦！嚟緊幫樂隊製作MV，預計使8至10萬。（你買咗新車？）係公司嘅，我夜晚兼職司機，車同事返歸。（想同新合併經理人公司同事周秀娜合作？）佢會拍我開嘅戲，我未知演唔演。」