大囝四圍走陳茵媺當練跑
藝人陳茵媺、歌手連詩雅等昨日出席商場活動時，誕下次子陳浩鋒（Nathan）4個月的陳茵媺，透露兒子的名字由父親及老公陳豪所改，望兒子心胸廣闊及有上進心。另外，她透露大仔陳梓燁已開始上play group：「帶佢去gym，因為佢想打筋斗，但又怕佢會整親，所以要教佢正確嘅打筋斗方法。佢有運動細胞，我成日追住佢，佢係我嘅跑步機。（有冇試過唔小心整親你？）我有時會怕佢整親細佬，因為佢有時會掉啲車或者足球畀細佬，因為佢鍾意踢波，想畀細佬，我就會即刻追住佢，要睇實啲。」
至於連詩雅將於本月29日27歲生日，並自爆自己於21歲時，希望30歲時能有車、有樓兼退休。她說：「依家未有樓，但有車。（同你同年出道嘅吳若希已經買咗樓，羨唔羨慕佢？）我都羨慕佢，亦好戥佢開心。不過唔同嘅，我哋工作性質唔同，雖然都有唱歌，不過佢有拍電視劇，我未拍過，有時拍電影多，好難比較。」
